جربت تسأل نفسك هما ليه عملوا البورصة ؟؟
طيب هنشرح في كام نقطة البورصة اتعملت ليه وبناء عليه هتعرف ازاي توظف نفسك فيها.
الفكرة كلها إن فكرة ظهور البورصة نشأت من وجود مجموعتين من الناس
1- المجموعة الأولى: ناس عندها فكرة مشروع و الإمكانية على إدارته ، لكن معندهاش الفلوس و التمويل المناسب للمشروع ده.
2- المجموعة التانية: ناس عندها فلوس زايدة عن حاجتها و حابة تستثمرها بس معندهاش فكرة المشروع اللي ممكن تستثمر فيه أو حتى كيفية إدارته.
و من هنا بييجي دور البورصة بتوفير مكان لإلتقاء من لديهم المشروعات من غير التمويل ، و من لديهم التمويل دون المشروعات ... عشان تبادل و كل منهم يكمل الأخر ... و من هنا بتيجي فكرة الأسهم و اللي بتمثل حصة من ملكية الشركة و اللي بيقدر المستثمرين يشتروها كنوع من إستثمار الأموال الزائدة عن حاجتهم ، و على الجانب الآخر يقوم أصحاب المشروعات بتمويل الجزء المتبقي من مشروعاتهم دون الحاجة للجوء للإقتراض
يعني ببساطه البورصة دي اتخلقت عشان واحد عايز تمويل والتاني عايز يستثمر يا تري انت مين فيهم ؟؟؟ عايز تستثمر ولا تمول ؟؟
محمدالهلاوى
محلل مالى مضارب تقنى
0 التعليقات:
إرسال تعليق